स्थित्यंतरे

अलिप्त हा असा कसा उणा अधिक माणुस हा

होऊन उगाच भ्याड तु बांधु नकोस मंदीरे

नसुनही तमा तुला कशास भीक मागतो

तुझ्याच निर्णयामुळे झाली अनेक स्थित्यंतरे

सांग शोधला कुठे हा दगड मंदीरातला

असुनही अव्यक्त तो तुझ्याविनाच मातला

एका भितीमुळे तुझ्या केला प्रचंड र्हास तु

बांडगुळासम बनविला नाजुक अवघा विश्वास तु

वेगळे करुन काय साधलास स्वार्थ रे

उरलेल्या प्राण्यांची आज ऐक हाक आर्त रे

माणुस बनायची राह्यली अजुन इथेही मर्कटे

स्वतःला धिक्कारणारा असा जगात प्राणी कुठे

वानरास का मिळला हा अनोखा शाप तो

सरल्या किती पिढ्या तरी शोधतो अजुन बाप तो

चालतो जिथे अनंत खंत न जुमानता

जात पात मानुनही देव कणा कणांत मानता?

जवळ जवळ् काही ठिकाणी का वर्ज्य आहेत माणसे

एक दगड समोर फ़क्त उरलेले पायांखालीच जाणता

विचार कर किती जण अद्याप वाट पाहतात

भातुकलीसम कर्मकांड आणि नवस वाह्तात

धैर्यकर मेंदुमध्ये अन् पाऊल टाक तु पुढे

कौल देत घेत अनेक गाभार्यामद्येच थांबतात