फ़िरणा-या चाकांचं भलतंच ओबसेशन बाळगणारा
आपलाच
शशि रोडकर.....
सुसाट निघतो
गाड्यांच्या एकेरी दिशेत
बेभान धावत
न मरणाचं भय
न जगण्याची
कसलीच चिंता
त्याला त्याचीच..!
त्याच्याच सारखे दिसणारे
त्याचेच इतरही
पळतात अधुन मधुन
कधी उकिरड्याभोवती
कधी स्वत:भोवती
कधी उगाचंच
फ़िकिर नाही
तर फ़किरी करत...
फ़ुटपाथपासुन
रस्त्यावर..!
शशिच्या रात्रीचा दिवस होतो
तो असा....
ब-याचदा असंच वाटतं की...
गाड्यांच्या हेडलाईटमध्ये त्याने
शोधला असावा त्याचाच
सुर्य
चंद्र
ग्रहमाला
कदाचित सुसाट निघणा-या टॆक्सीचा
मिणमिणता
आतला दिवा
त्याला
धुमकेतुही वाटत असावा...
म्हणुन रोज त्याच्या नशिबी
असतो
असाच
उल्कापात....
रस्त्यावर
एकेरी रेषेतला
शशि रोडकरचा..
गाड्यांपुढुन
गाड्यांमागे........
