भाज्यांच्या पुंजक्यात
पहाटे
मग्न असलेला
टिळक ब्रीजचा रस्ता
किंचित पहावा
रात्रीसुध्दा....!
रहदारीच्या आडोशातील
फ़ुटपाथावर
निजलेला असतो....असतात....
मनुष्यप्राणी रांगेत
अंग टाकता येईल तेवढ्याच भागात
आपण मात्र
पाय
सांभाळुन टाकत असतो
काय करणार..?
कातडीवरचं सगळंच ब्रॆंडेड
आणि फ़ुटपाथवरल्यांची
कातडी ब्रॆंडेड
रॆशनलिस्ट म्हणता म्हणता
रेसिजम निमुटपणे चालते
कडेने
सगळ पहात......उत्क्रांतीच्या विधीसकट
तेव्हा
आठवतो....मटेरियलिजम..!
आणि ब्रीज संपेपर्यंत
तो फ़क्त
आठवतो
आठवत राहतो
अनेकदा
टिळक ब्रीजवर
सतत.....
भाज्यांच्या पुंजक्यात
पहाटे.
