स्त्री म्हणजे.....

कदाचित एक शुक्राणु

कदाचित एक बीजांड

कदाचित एक झायगॊट

कदाचित एक जीव

कदाचित एक गर्भपाताचं गिनीपिग

कदाचित एक संकट फ़सलेल्या गर्भपातामुळे

कदाचित एक प्रश्न पुरुषांसाठी

कदाचित एक उत्तर स्त्रीयांसाठी

कदाचित एक मानसिक पण सामाजिक उलथापालथ

कदाचित एक जन्म

कदाचित एक संस्कार

कदाचित एक भीती

कदाचित एक मान (अद्याप खाली न गेलेली)

कदाचित एक मन:स्ताप (तिचाच स्वत:चा)

कदाचित एक वाढणारं वय (जे पुरुषांना सहज दिसतं डोळे बंद करुनही)

कदाचित एक पाळी (संघर्ष स्विकारण्याचीच बहुदा)

कदाचित एक चिंता (इतरांना तिची)

कदाचित एक संस्कॄती (सगळ्यांनीच लादलेली)

कदाचित एक प्रेम

कदाचित एक वासना अल्लड (ज्यास विरोध केलाच जातो)

कदाचित एक बंड (कुठ्ल्याही पुस्तकात न छापलेला)

कदाचित एक युध्द (स्वत:शी)

कदाचित एक जीत (स्वत:शीच)

कदाचित एक हार (ती पत्करावी असा अनेकांचा नियम)

कदाचित एक नातं (जे तिला सिध्द करुन दाखवावंच लागतं)

कदाचित एक काळ (ज्यात भविष्य नसतं)

कदाचित एक सौदा (समाजात त्याला लग्न म्हणतात)

कदाचित एक देवी (वेदांमध्ये लिहल्याप्रमाणे)

कदाचित एक वॆश्या (ज्यांना देवीवर विश्वास नाही व अनेकांना असं म्हणायचंही असतं)

कदाचित एक पत्नी (जिच्यासाठी पती "परमेश्वर" असतो.पत्नीसाठीचे वेद अजुन लिहीलेले नाहीत)

कदाचित एक आई (कारण तिची इच्छा)

कदाचित एक सुरुवात (जगाची)

कदाचित एक शेवट (संयमाचा)

कदाचित एक तत्वन्यान (अडाणी असुनही)

कदाचित एक अभिनय (कदाचित हरल्याचाच!)

कदाचित एक स्त्री (हे बदलु शकते.....)