मोबाईल म्हणजे
माणसं नसलेल्या गर्दीची जागा
जिथे स्क्रोल डाऊन करताना
भेटतात सगळे
सगळा खेळ संपर्काचा
जो अडकलाय आकड्यात
आणि रोज सेव्ह होतात
मेसेजेस
ड्राफ़्टबॊक्समध्ये
जसे अनेक आवंढे असतात ना
साचलेले
ते अचानक साचु लागतात
निर्विकारपणे
सेन्ड न होता
प्रत्येक स्टोर झालेल्या
आठवणीचा इतिहास असतो
तारखेसकट
नसतो फ़क्त
चेहरा
काळाच्या ओघात
फ़िलॊसॊफ़ीनेसुध्दा
टाकलेली असते
कात
तरीही
रिडायल करण्याचा
मोह होतोच
पण तोपर्यंत
नंबरसकट बदललेली असते
व्यक्ती
आणि आपण
उगाचंच काहीतरी शोधत राहतो
डिलिट झालेल्या अनेक
रिसीव्हड कॊल्सचे
संवाद!
WOW! :D welcome to blogger's world!
ReplyDelete