विल्सन कॊलेजच्या
३०१ रुम नंबरच्या
क्लासरुममध्ये...
लेक्चर्स अद्याप सुरु आहेत
दिवान मॆडमनी शिकवलेला
मॆक्स वेबर...
सोशिऒलॊजितला
कळलाच नाही....
एमिल डर्कनहेम
कळलाच नाही...
कार्ल मार्क्स
कळलाच नाही....
सिविल वॊर
कळलं नाही
ब्लॆक मुव्हमेंट
कळली...!!
पण...
अनघाच्या काजळाचीच..!!
त्या ३०१ मधल्या बेंचेसवर
मी
बरंच काही गिरवुन ठेवलेलं
बरंच काही कोरुन ठेवलेलं
बहुदा प्रश्नंच
कारण...
उत्तरांवर कायमच
ओझं असतं
प्रश्नांचं...!
उत्तरांखाली प्रश्न आल्यावर
संशय निर्माण होतो....
गॆरसमज आणि संशयाची..मॆत्री
न तुटणारीच असते
तुटते ती
फ़क्त
माणसाची माणसाशी
म्हणुन
मी
निरुत्तर झालो
तिच्याच नकळत
आणि
गिरवत राह्यचो पेनाची शाई
३०१ च्या बेंचवर
तिचचं
काजळ समजुन.........
No comments:
Post a Comment