मना कल्पना पापबुध्दी नको रे
नशा एवढी त्यात शुध्दी नको रे
असु बॆचलर आम्ही अमुचेही
रिलेशनचीही उगीच रद्दी नको रे
सदाचार हा थोर सांडु नये तो
तरी मादीला नर सांगुन नेतो
बिचारे इथे एकटे प्रेमवीर
होऊन घट्ट वोडक्यानेही धीर घेतो
नको रे मना क्रोध हा खेदकारी
इथे तापतेही बिछान्यात स्वारी
क्षणार्धात कन्फ़्युजनही अंगिकारु
किती संपले अवघे नका हो विचारु
जगी सर्व सुखी असा कोण आहे
मादीला शिकवणरा असा द्रोण आहे
तिला नरबळींचा असे छंद निराळा
कुठल्या बिळात कुठला उंदीर आहे
मरे एक त्याचा दुजा शोक वाहे
जुना प्रेमवीर नव्यासंग आहे
त्यालाच काळजी मादीची थोडीफ़ार
बदलले विचार बदलला आकार
देहे त्यागिता किर्ती मागे उरावी
नि:शब्द मनेही वांझोटी स्मरावी
इथे आरशात हसे अपराधी
नराला कशीही मिळे रोज मादी
घडें भोगणे सर्वही कर्मयोगे
नराने मादीला पटवले प्रयोगे
बुडातुन तरी न असा माज जाई
जुन्या प्रेमवीरास अल्कोहोलची अंगाई...!!
No comments:
Post a Comment